Fantasma Accidental 47

Apenino, paseos polo pop

http://www.ivoox.com/fantasma-accidental-47_md_4016303_wp_1.mp3″

Descarga

“Conversa Ultramarina é a canción que abre o disco (o primeiro single) e está inspirada no libro de Lois Pereiro de mesmo título, no que o poeta galego mantén unha relación epistolar coa que fora a súa noiva, Pilar, cando ela se vai a San Francisco e el vive os seus últimos días. Encántame a obra de Lois e ésta, aínda que non é a súa obra máis coñecida nin considerada, resúltame estremecedora. Un historia de amor/desamor brutal, plasmada nuns textos conmovedores. A canción compúxena, dende o inicio, buscando unha homenaxe ao autor” Marco Maril.

Presentamos “Conversa Ultramarina” como adianto da ‘Viravolta’ de Apenino. Unha canción que está inspirada no libro do mesmo título de Lois Pereiro. Repasamos a discografía deste músico de nome non artístico Marco Maril, compostelán afincado en Vigo, e as súas conexións no pasado. Con Dar Ful Ful, en unión de Xabi Font, crearon un pop lánguido comparado moitas veces con Family, é por iso que escollemos a canción na que participa Iranztu Valencia.
Deixa ver o seu gusto polas gravacións de campo nas colaboracións con Rafael Romero, tamén coñecido como Árbore e Raro. A súa discografía está ligada ao selo barcelonés Jabalina, así como aos estudios Abrigueiro, en Friol (Lugo), de Arturo Vaquero “Humanoid”.
A participación deste músico de pop estelar xunto a Mónica Vacas serve de nexo para que na segunda parte falemos do dúo asturiano Mus.
“Lusquefús” é unha canción utilizada para musicar un corto que Alexandre Cancelo filmou para Proxecto Nimbos, unha serie de filmes inspirados nos poemas do libro Nimbos de Xosé María Díaz Castro, autor homenaxeado no Día das Letras Galegas de 2014. En ‘Postal illa’ sonoriza a Illa de San Simón (convertida no lugar onde se celebra o festival co cartel máis misterioso do mundo grazas a Sinsalaudio). É a canción oficial do Festival Sinsal 2014, publicada físicamente como postal sonora e construída a partir de sons recollidos na propia illa da ría de Vigo.
Engadimos un extra, o regalo que nos fan os desaparecidos Noise Project coa canción homenaxe a Lois Pereiro “A través do colchón”

Mus, los dies, les coses

Listaxe 29/10/2014

01 Apenino – Viravolta – Conversa ultramarina (acústica) (Jabalina, 2014)
02 Apenino – Viravolta – Conversa ultramarina (Jabalina, 2014)
03 Noise Project – A través do colchón (inédito)
04 Apenino – Un rayo de sol – Días de septiembre (Jabalina, 2007)
05 Apenino – DEDICATESSEN vol. 7 – Cerca de las estrellas (Jabalina, 2013)
06 Dar Ful Ful – El Artista Adolescente – En soledad (con Iranztu Valencia) (Jabalina, 2001)
07 apenino & árbore – animals are not things! – peludiño (2012)
08 Árbore – apenino & raro – #02 (Sinsalaudio, 2005)
09 apenino, mónica vacas & árbore – lusquefús (2014)
10 Apenino – Postal illa (Apenino & Mónica Vacas) (Sinsalaudio, 2014)
12 Mus – El Naval – Al debalu (Acuarela, 2002)
13 Mus – Fai – Los díes,les coses (Acuarela, 1999)
14 Fran Gayo – Las próximas cosechas – Economía de guerra (Acuarela, 2009)
15 Mus – La Vida – Cantares de Ciegu (Green Ufos, 2007)

Fantasma Accidental 46

Jacques Derrida | Un fantasma percorre Europa

http://www.ivoox.com/fantasma-accidental-46_md_3741125_wp_1.mp3″

|Descarga| Deseñamos un programa sobre espectros do pasado no presente. Sobre música empapada de nostalxia. Escoitamos a Scritti Politti unha banda con nome que refire a Antonio Gramsci e que lle da título a unha canción con nome de outro teórico e filósofo: Jacques Derrida. A banda inglesa servenos para iniciar unha busca entre o pasado e o presente do pop de espectros.

“Á “ontoloxía” do fin da historia, Derrida opoñía unha “fantoloxía” asediada polos espectros que superan a barreira do vivo e o morto, da alma e o corpo. (“Ontologie” e o neoloxismo “hantologie” son homófonos en francés; en inglés, “haunt” é “asexar” e incluso “embruxar”).” (Pablo Schanton)

Alex Casanova | Pop antagónico

Estreamos dous discos; o do galego Alex Casanova có seu esperado debut ‘Antagonasia’ (Crispis, 2014), e o da chilena Javiera Mena con ‘Otra Era’ (Unión Del Sur, 2014). Escoitamos o rompepistas de efluvio de festa horteira de Joe Crepúsculo para nadar entre as olas de Svper, antes Pegasvs. Coa viguesa BFlecha bailamos a electrónica do presente co seu ‘βeta’ facturado para Arkestra o pasado 2013. Ariel Pink é o invitado de honra do programa, el é o autor dunha música empapada de vaporoso e fantasmal pop. O californiano leva destilando estraños artefactos sonoros dende o 2002 en dez inclasificabels discos. Jon Maus é un dos seus compañeiros de bailes raros.

Listaxe 22/10/2014
01 Scritti Politti – Songs to Remember – Jacques Derrida (Rough Trade, 1982)
02 Scritti Politti – Cupid & Psyche 85 – Perfect Way (Virgin, 1985)
03 Alex Casanova – Antagonasia – Todo va a estar bien (Crispis, 2014)
04 Alex Casanova – Yo no me Muevo por Dinero (Demo, 2012)
05 Joe Crepúsculo – Baile de magos – Mi fábrica de baile (mushrow Pillow, 2013)
06 Svper – Pegasvs – Sobre las Olas (Canada, 2012)
07 Javiera Mena – Otra Era – Otra Era (Unión Del Sur, 2014)
08 Javiera Mena – Esquemas juveniles – Al siguiente nivel (Unión Del Sur, 2006)
09 Emilio José – Chorando Apréndese – Río grande do sul (Fohen, 2012)
10 BFlecha – βeta – B33 (Arkestra, 2013) 11 BFlecha ft Arufe – βeta – Mundo Bizarro (Arkestra, 2013)
12 Ariel Pink – Pom Pom – Put Your Number In My Phone (4AD, 2014)
13 Ariel Pink’s Haunted Graffiti – Before Today – Bright Lit Blue Skies (4AD, 2010)
14 John Maus – We Must Become the Pitiless Censors of Ourselves – Believer (Upset the Rhythm, 2011)

Ariel Pink | Nostalxia pop

Fantasma Accidental 45

Little Richard – Elvis is dead

http://www.ivoox.com/fantasma-accidental-45_md_3713658_wp_1.mp3″ |Descarga|

Este é un programa de libre configuración, de escaleta móbil, de guión improvisado e de fantasmas accidentais. Non sabemos se a nosa distinguida audiencia pertence a igrexa de Elvis ou se creen que o seu espírito aínda vaga entre nós, pero os lemures acreditan que Elvis está morto. Non creen no seu reinado, tan só foi o elixido para branquear o rock and roll. Os brancos non saben bailar. A rebeldía de Elvis Aaron Presley era mellor, máis guapa, máis americana que a de Chuck Berry ou Little Richard.

Rei-vindicamos aos Elvis negros, e escoitamos aos que herdaron o seu nome. Traemos a Elvis Perkins e a Elvis Costello a colación.

Elvis Negro | Salvaxe abandono

Pero queriamos falar do Elvis Negro da Coruña. Unha banda de íntimo surrealismo e shoegaze mental. Buscamos algunhas conexións como a de Nouvelle Cuisine e rescatamos os proxectos dun dos seus ex-membros: David Miranda.

Rematamos con post-punk, os axitadores Ornamento y Delito con novo disco, e traemos do pasado a dúas bandas lendarias: Pere Ubu e Half Japanese que estarán no futuro inmediato en Galiza nun novo Sinsal en Vigo.

Pere Ubu | Solución final

Listaxe 15/10/2014
01 Living Colour feat. Little Richard and Maceo Parker – Time’s Up – Elvis is Dead (Epic, 1990)
02 Little Richard – Little Richard – Good Golly Miss Molly (Specialty Records, 1957)
03 Willie Mae “Big Mama” Thornton – Hound Dog (Peacock Records, 1953)
04 El Vez – Fun in Español – Está bien mamacita (Sympathy For The Record Industry, 1991)
05 Elvis Perkins in Dearland – Doomsday EP – Stay Zombie Stay (XL Recordings, 2009)
06 Elvis Costello and The Atractions – This Year’s Model – Pump it up (Radar, 1978)
07 Elvis Negro – estaba en llamas / el salvaje abandono – A veces está bajo (Prenom, 2014)
08 Nouvelle Cuisine – Mientras tanto (Colección otoño/invierno) – Roulotte (2012)
09 Cripple and The Tramp – Deep in the Dark – The House (Discos Perdidos, 2012)
10 Bangor – Lembrarás este cuarto – Poema do inverno ( A Regueifa Netlabel, 2011)
11 Elvis Negro – Mientras tanto (Colección otoño/invierno) – Al amor y a la amistad (y la aniquilación total) (Prenom, 2014)
12 Ornamento y Delito – El espíritu objetivo – Laissez faire (LimboStarr, 2014)
13 Half Japanese – Overjoyed – Overjoyed And Thankful (Joyful Noise, 2014)
14 Ornamento y Delito – Putas y Cocheros – Canción de derechas (2009)
15 Pere Ubu – Final Solution (Hearthan, 1976)

Ornamento y Delito | Todo podre,
todo en venda

Fantasma Accidental 44

KRKT | Electrónica subversiva

http://www.ivoox.com/fantasma-accidental-44_md_3684005_wp_1.mp3″ |Descarga|

Neste segundo episodio da terceira tempada confeccionamos unha selección musical que busca o futuro a través da electrónica. Experimentación e pescuda dos espazos sonoros alternativos galegos xunto á braindance e a IMD actual na península.
KRKT (Korokati) é Roberto Casteleiro, o autor da nosa sintonía e unha mente inqueda do panorama electrónico galego. Este coruñés é un arquitecto musical con letras subversivas en contra do sistema capitalista. Matar Gente (Matar Xente) é o proxecto en solitario de Nicolás Nieto, baixista de Músculo!. A súa música en loop crea ambientes expansivos en capas e capas entretecidas. Blixdeina son Santiago Rodríguez, coñecido por formar parte de Mequetrefe, e a artista Monica Mura poñen música e voz a “Tus palabras ya no me tocan” do escritor, poeta e crítico musical Fernando Fernández Rego. A poesía orixinal foi publicada en 2011 no libro “Blues From A Gun: Secuencias Interiores”.
A improvisación e a experimentación sonora, o erro sonoro/visual, a música incidental e os ritmos minimalistas conforman o proxecto chamado Ulobit. Formado por Ariel Ninas (zanfoña), Horacio Gonzalez (video) e Xoan Xil (electrónica) nesta peza revisitan “Vikingland”, a longametraxe de Xurxo Chirro do 2011. Facemos contraste coa unión de Alva Noto + Ryuichi Sakamoto e os seus bits minimalistas. Escoitamos a actualidade musical da electrónica no estado español cunha pequena selección: o catalán Uner é un dos máis importantes nomes da electrónica hispana; o dúo asturiano formado por Ana Quiroga e Uge Pañeda LCC, abreviatura de Las Casi Casiotones, involucionan para quedar coa matería principal no seu LP para Mego; Svreca é un madrileño de techno abstracto e experimentación sonora, publica có seu propio selo, Semantica, e pincha nas máis selectas cabinas europeas; mentras que Downliners Sekt é un dúo catalano-francés, con sede en Barcelona, que fichou polo prestixioso selo francés Infiné.
Aphex Twin volta a actualidade publicando “Syro” con Warp. Máis música inclasificable de Richard D. James, que ben podería ser un álbum anterior a “drukQs” (2001).
Rescatamos do pasado da música electrónica galega a dous históricos: Humanoid e Prozack, para mostrar que o futuro está escrito no pasado, ao menos na música.

LCC | Mineraloxía con base electrónica

Listaxe 08/10/2014
01 Korokati – MaA3 – MaA2, el ascenso del estado penal
02 Matar Gente – Todo le llega al que sabe esperar – Terrible
03 Blixdeina – Palabras
04 Ulobit – Vikingland Noise Redux (live)
05 Alva Noto + Ryuichi Sakamoto – Insen – Moon (Raster-Noto, 2005)
06 Uner – Tune432 – Tierra Hueca (Original Mix) (Diynamic Label, 2014)
07 LCC – d/evolution – Quarz (Editions Mego, 2014)
08 Aphex Twin – Syro – minipops 67 [120.2] (Warp, 2014)
09 Svreca – Obscur. Alternative. – Seda Muerta (Semantica, 2011)
10 Downliners Sekt – Silent Ascent – Silent Ascent (InFine Music, 2014)
11 Humanoid – Vectorspheres – Analogue Dream (Jabalina, 1998)
12 Prozack – Tan lejos – Dualidad (Elefant, 1998)

Aphex Twin | Deep web sound

Fantasma Accidental 43

http://www.ivoox.com/fantasma-accidental-43_md_3577554_wp_1.mp3″ |Descarga|

Retornamos ás ondas e presentamos a nosa III tempada na Cuac FM. Estreamos imaxe e sintonía. Aymará Ghiglione é a autora da imaxe e Roberto Casteleiro “Korokati” adaptou o seu tema La Puerta Excavadora para a cabeceira do programa. Estamos moi agradecidos!

Oroza | A poesía do fracaso

Presentamos unha compilación de músicas que comezan coa poética beat de Carlos Oroza na compaña de Jay, a experiencia e a xuventude man a mano na reinterpretación da poesía do viveirense. Escoitamos o single que edita Seara Records xunto a Editorial Elvira.

Esta tempada está dedicada a memoria de Francisco Dotras Lamberti, que faleceu o 13 de setembro deste ano. Foi un moi querido compañeiro da Cuac FM e o botaremos de menos.

Cuchillo de Fuego | foto: David Tombilla

A parte principal do programa está centrada no primeiro disco de Cuchillo de Fuego editado por Amawisca (xunto a Chingaste La Confianza, Existencia e El Morro de Alf). Unha banda da órbita do Liceo Mutante formada por membros de Sierpes de la Luz, Los Collares de Perlas, Djalminha e Unicornibot.
Comparten protagonismo có retorno de Shellac, a banda de Steve Albini ten novo disco chamado Dude Incredible, sete anos despoís do anterior e publicado polo selo independente Touch and Go Records.
Moita música cargada de odio e visceralidade ao estilo Peter Bagge. Queriamos terminar montando en moto pero acabamos mareados.

Listaxe 01/10/2014

01 Carlos Oroza & Eclipse – CARLOS OROZA 7″ – Malú (grabado 1975) (Seara Records, 2014)
02 Carlos Oroza & JAY – Évame- Carlos Oroza & JAY (Seara Records, 2014)
03 Allen Ginsberg – First Blues – Father Death Blues (John Hammond Records, 1982)
04 Cuchillo de Fuego – Triple España – Electrónica Martinez (Amawisca, 2014)
05 Shellac – Dude Incredible – Dude Incredible (Touch and Go, 2014)
06 Big Black – Atomizer – Big Money (Homestead, 1986)
07 Cuchillo de Fuego – Triple España – Bouquet ( Fuego y Mierda ) (Amawisca, 2014)
08 Los Collares de Perlas – Le Hajduk Split – Futbolistas gemelos encontrados muertos en apartamento de lujo (2011)
09 Rapeman – Two Nuns and a Pack Mule – Kim Gordon´s Panties (Touch and Go, 1988)
10 Djalminha – Djalminha – Así que… (Chingaste La Confianza/Niquel Press, 2014)
11 Shellac – Dude Incredible – Riding Bikes (Touch and Go, 2014)
12 Jesus Lizard – Goat – Seasick (Touch and Go, 1990)

Steve Albini | Con mono de traballo