Queimamos as nosas caretas tralo último baile ritual nas corredoiras choqueiras do Entroido. Mércores de cinza cun programa dedicado ao Primos Hermanos, festival de irmandamento entre Galiza e Asturias organizado pola asociación sen ánimo de lucro Desconcierto Cultural, que celebra a súa terceira edición este 2016. A viaxe é de ida e volta entre Compostela e Uviéu neste festival que “xorde do agarimo e simpatía que comparten as comunidades galega e asturiana. Deste xeito, búscase establecer un intercambio cultural, centrado na música independente, entre ambos os territorios ”
O 20 de febreiro será aprimeira cita en Compostela coa xente chegada de Asturias. Neste día o cabareteiro Rodrigo Cuevas, a alemana residente en Asturias Fee Reega xunto con Thee Operators, Autotan e Bobkat’65 actuarán en tres emblemáticos locais da cidade vella: Embora, A Casa das Crechas e o Cachán Clube. Escoitamos a todas estas músicas destacando a Fee Reega e Rodrigo Cuevas.
Pola súa banda cinco grupos galegos viaxarán a Asturias o próximo 5 de marzo na cita de Oviedo. O cartaz conta con diola, banda surxida das cinzas quentes de Unicornibot, e a banda de cantigas e rock de Ourense Os amigos dos músicos, o dúo da vella (e da nova) escola do hip-hop galego Malandrómeda, e o baile electrónico de Músculo! máis a imprevista psicodelia de Lengorón. Actuacións repartidas entre os locais La Lata de Zinc e La Salvaje.
Na nosa sección chamada Lemuria, onde unha persoa vencellada á música feita en Galicia fai unhas recomendacións musicais, temos de invitado a Rubén Domínguez (Pantis e Chicharrón) que rescata a efémera banda Cudevaso e recomenda a Jackson do Pandeiro, músico brasileiro de principios dos anos 50 considerado o Rei do Ritmo.
Listaxe 10/02/2016
01 Autotan – The Time I Sent Waiting For You To Be Ready – Lonely Boy (Autotan, 2015)
02 Thee Operators – Ups & Downs – White Lies (TO, 2015)
03 Bobkat’65 – Gwani (Bobkat’65, 2015)
04 Rodrigo Cuevas – Yo soy La Maga – Eina de Mandar Dourare (RGC, 2012)
05 Rodrigo Cuevas – Vaqueira (Extra Large Wrong Mix)
06 Fee Reega – Salvajada – El Hombre que fuma Heroína (Woodland Recordings, 2012)
07 Fee Reega & Tobio Lotto – Shoot – We Shot The World Down (Woodland Recordings, 2015)
08 Fee Reega & Nacho Vegas – Canciones Populistas – Mi novio es bobo (Marxophone Discos, 2015)
09 diola – eh!- Semáforo Fantasma (diola, 2015)
10 Lengorón – Pimienta (Lengorón, 2015)
11 Os Amigos dos Músicos – Osaka (OADM, 2010)
13 Músculo! – Vivac – Breve historia paralela (M!, 2014)
14 Jackson do Pandeiro – Forró em Limoeiro (Copacabana, 1953)
15 Cudevaso – Cudevaso EP – Xabarín (Cudevaso, 2010)
fantasma accidental 