Continuación do programa #EspecialNadal no que lle pedimos a varias persoas de varias bandas galegas que nos contaran cal era a súa gravación favorita das que tiñan feito ata o de agora e ademais que recomendaran unha canción ou tema que escoitaran no pasado 2015.
Sergio de Carrero Bianco escolle a canción que fora a nosa sintonía na primeira tempada na Cuac FM, “Radio”. Recomenda aos británicos Chemical Brothers co seu hit “Go” que resoou neste 2015 en todas partes.
Alonso Caxade mándanos unhas verbas dende Ames nas que presenta “A dança dos moscas” do seu disco homónimo como favorita e suxire a The Lost Omelette-makers, alter ego de Daniel Santos e produto tamén da factoría Discos da Máquina, coa canción nadaleña “Noitevella do Xuízo Final” como o mellor que lle puido pasar a música o ano finado.
Cibrán de Monstruo escolle a súa música con unha gravación en directo e directa: “Maskenfreiheit” coas dúbidas sobre o seu papel na música e na vida dun varón, xove, discretamente radical. A canción allea escollida é “Estação” do único, xenial e desbordante músico de Quins, Melón Emilio José do seu recente triplo CD.
Anxela de Bala traenos un tema do seu disco debut con Matapadre, “Tripas + Chained”, onde o dúo lle da moita caña a guitarra e batería, poderosas baquetas de Violeta, deixando os tímpanos tremendo. A súa seguinte elección tamén e de moitos decibelios: Cuchillo de Fuego con “Forforcio”.
O ubicuo Abel Dobarro de Estrambote elixe “Caligrama” do seu EP para Discos de Kirlian publicado o pasado ano. E lévanos a África para recuperar a moi bailonga canción de Ata Kak “Obaa sima” que foi rescatada polo etnomusicologo Brian Shimkovitz en Ghana no 2005.
A cavernosa voz de Coco de Mano de Obra fálanos neste programa para indicar que lle gusta o son cutre de “El romance del prisionero”, xa do 2011, o cal lle causa gran satisfacción. A continuación viaxa tamén a África para descubrirnos a Gasper Nali de Malawi e o seu babatoni (un baixo dunha soa corda).
Nelo é Pálida, un proxecto de música electrónica unipersoal dentro da Metamovida, das súas gravacións escolle “Deepest” e propón un tema de Rawtekk e outro de Four Tet. Escollemos a este último para despedir programa extendendoo máis alá dos confíns radiofónicos.
01 Carrero Bianco – Blister – Radio (CB, 2012)
02 Chemical Brothers – Born in the Echoes – Go (Virgin, 2015)
03 Caxade – A dança dos moscas – A dança dos moscas (Discos da Máquina, 2013)
04 The Lost Omelette-makers – The Lost Omelette-makers deséxavos partir as Christmas – Noitevella do Xuizo Final (Discos da Máquina, 2013)
05 Monstruo – Monstruo #7 – Maskenfreiheit (Discos Porno, 2015)
06 Emilio José – Agricultura Livre – Estação (Foehn, 2015)
07 Bala – Human Flesh – Tripas-Chained (Matapadre, 2015)
08 Cuchillo de Fuego – Triple España – Forforcio (Amawisca, 2014)
09 Estrambote – Ep – Caligrama (Discos de Kirlian, 2015)
10 Ata Kak – Obaa Sima – Obaa Sima (1994)
11 Mano de Obra – Imperio Cobra – El romance del prisionero (MdO, 2011)
12 Gasper Nali – Abale Ndikuwuzeni – Abale Ndikuwuzeni (Spare Dog Records, 2015)
13 Pálida – Days Static – Deepest (Pálida, 2015)
14 Four Tet – Think and Change – For These Times (Nonplus, 2013)
fantasma accidental 